Sumarstarf: Þjónustufulltrúi í álestrum 2018

Við leitum að jákvæðu, rösku og þjónustulunduðu fólki í afleysingar í álestrum í mæla- og notendaþjónustu. Til að sækja um þarftu að hafa lokið stúdentsprófi eða öðru sambærilegu námi. Menntun á sviði rafiðna eða pípulagna er kostur. Helstu verkefni eru:

  • Álestur af notkunarmælum
  • Greining frávika í notkun og ráðgjöf til viðskiptavina um orkunotkun
  • Eftirlit með ástandi mæla, tenginga og umhverfi þeirra.

Hjá okkur færðu skemmtilega og hagnýta reynslu af því að vinna með reynslumiklu fagfólki á fjölbreyttum og lifandi vinnustað sem leitast við að vera í fremstu röð hvað snertir öryggi, vinnuumhverfi og möguleika til að samræma vinnu og fjölskylduábyrgð.

 

Við tökum jafnréttið alvarlega

  • Við viljum hafa sem fjölbreyttastan hóp starfsmanna og hvetjum því jafnt stelpur sem stráka til að sækja um.
  • Við val á nýjum starfsmönnum er tekið mið af hæfni, reynslu og umsögnum þannig að það borgar sig að fylla vandlega út umsóknina.

 

Starfstímabilið er frá lok maí og fram í ágúst. Eingöngu er tekið á móti umsóknum á ráðningavef OR, starf.or.is. Einnig er hægt að spyrjast fyrir um störfin gegnum netfangið starf@or.is.

Umsóknarfrestur er til 1. mars 2018.

Öllum umsóknum verður svarað fyrir 1. apríl 2018.

Deila starfi