Sumar: Samstarf við grunnskóla

Við leitum að jákvæðri og hugmyndaríkri manneskju til að hjálpa okkur við að leggja grunn að samstarfi fyrirtækjanna innan samstæðu OR við grunnskóla, þar með töldum heimsóknum grunnskólanema. Verkefnið felur m.a. í sér að undirbúa skipulag heimsókna grunnskólanema á starfsstaði fyrirtækjanna og undirbúning prufuverkefnis í samstarfi við tiltekna skóla. Til að sækja um þarft þú að vera háskólanemi í menntavísindum og þekkja námskrá grunnskólanna, sérstaklega varðandi náttúruvísindi, verkgreinar og raungreinar.

 

Hjá okkur færðu skemmtilega og hagnýta reynslu af því að vinna með reynslumiklu fagfólki á fjölbreyttum og lifandi vinnustað sem leitast við að vera í fremstu röð hvað snertir öryggi, vinnuumhverfi og möguleika til að samræma vinnu og fjölskylduábyrgð.

 

Við tökum jafnréttið alvarlega

  • Við viljum hafa sem fjölbreyttastan hóp starfsmanna og hvetjum því jafnt stelpur sem stráka til að sækja um.
  • Við val á nýjum starfsmönnum er tekið mið af hæfni, reynslu og umsögnum þannig að það borgar sig að fylla umsóknina vandlega út.

 

Starfstímabilið er frá lokum maí og fram í ágúst. Eingöngu er tekið á móti umsóknum á ráðningavef OR, starf.or.is. Einnig er hægt að spyrjast fyrir um störfin gegnum netfangið starf@or.is.

 

Umsóknarfrestur er til 1. mars 2019.


Öllum umsóknum verður svarað fyrir 1. apríl 2019.

 

Deila starfi